అదరగొడుతున్న గోపాల గోపాల పోస్టర్

హిందీలో అక్షయ్ కుమార్, పరేష్ రావల్ ప్రధాన పాత్రలలో నటించిన ‘ఓమైగాడ్’ చిత్రాన్ని తెలుగులో ‘గోపాల గోపాల’ పేరుతో రీమేక్ చేస్తున్న విషయం తెలిసిందే. ‘కొంచెం ఇష్టం కొంచెం కష్టం’ చిత్ర దర్శకుడు డాలీ దర్శకత్వంలో తెరకెక్కుతున్న ‘గోపాల గోపాల’ చిత్రంలో పవన్ కళ్యాణ్, వెంకటేష్, శ్రియ ప్రధాన పాత్రలలో నటిస్తున్నారు. సురేష్ ప్రొడక్షన్స్, నార్త్ స్టార్ ఎంటర్ టైన్మెంట్ బ్యానర్లలో నిర్మాతలు డి. సురేష్ బాబు, శరత్ మరార్ సంయుక్తంగా నిర్మిస్తున్నారు. అనూప్ రూబెన్స్ సంగీతం అందిస్తున్నారు.

వెంకటేష్ ఆపదలో వున్నప్పుడు పవన్ కళ్యాణ్ బైక్ వచ్చి కాపాడే సన్నీవేశం ఇది. ఈ సన్నీవేశంలోనే పవన్ కళ్యాణ్ ఎంట్రీ ఇవ్వనున్నట్లుగా తెలిసింది. ఈ పోస్టర్ ప్రస్తుతం సోషల్ మీడియాలో హల్ చల్ చేస్తోంది. సంక్రాంతి కానుకగా జనవరి 14న ప్రేక్షకుల ముందుకు సినిమాను ప్రపంచ వ్యాప్తంగా విడుదల చేయనున్నారు. ఈ చిత్ర ఆడియోను ఈనెల చివర్లో విడుదల చేయనున్నారు. అదేరోజున ట్రైలర్ కూడా విడుదల చేయనున్నారు.

Read Full Story at http://www.cinewishesh.com/news/191-cinema-film-movie-headlines-news/53249-gopala-gopala-first-look-poster-released.html